Monday, September 5, 2011

मे भी इन्सान हि हु


Kabhi uski zindagi kash par atki hai, 

 To kabhi Aasman tak bhi na simati hai.

 Kabhi khushi me kehta zindagi ke din char hain,

 To kabhi dukh me kehta waqt ke aage laachar hain.

 Kabhi bhid me bhi lagti usko tanhai hai, 

 To kabhi akele hokar bhi usne mehfil jamai hai.

 Kabhi roshni me bhi usko dar sa lagta hai, 

 To kabhi raat me bhi bekhauf phira karta hai

. Kabhi dhundhne se usko bhagwan bhi milta hai,

 To kabhi samne rakha mauja bhi aankho se fisalta hai.

 Kabhi khushi me bhi uski aankho me nami hai,

 To kabhi dard me bhi hansi ki nahi kami hai.
 Kabhi sitaron pe karta vishwas hai,

 To kabhi lakiron ko kehta bakwas hai.

 Kabhi har dard ko chupchap seh leta hai,

 To kabhi man ki har bat ko bebak keh deta hai.

 Kabhi zindagi parivar, mohabbat or yaari hai,

 To kabhi paisa in sab par bhari hai.

 Kabhi hindu to kabhi musalmaan hai,
 To kabhi insaaniyat hi uska deen-imaan hai.

 Kabhi har subah naya safar hai, o kabhi naa koi shaam na hi sahar hai. 

 Kabhi purani bataon ko yaad kar tasveeren nihar leta hai.
 To kabhi apne har ehsaas ko kagaz par utar deta hai 
 BUS YE INSAN HI TO HAI JO PATHAR KO BI KABHI BHAGWAN BANA DETA HAI

2 comments: